Ардчилсан Монгол Улсын нийт иргэддээ Үндсэн хууль батлагдсаны 30 жилийн мэнд хүргэж 1992 оны Үндсэн хууль батлалцсан Депутатууддаа баяр хүргэж буйг минь уламжлаарай.
Миний Хэвлэн нийтлэх эрхийг Хорих ангийн удирдлагууд хууль бусаар хорьж хаасан. Энэ нь Хяналт тавьж буй Прокуроруудтай шууд холбоотой байж болзошгүй байна.
Учир нь 2022.01.03-ны өдөр Өдрийн сонинд "Прокурор алдсан эрх мэдлүүдээ анхаарах цаг болжээ" нэртэй нийтлэл гарсны маргааш хэвлэн нийтлэх эрхийг минь шууд хаасан.
Хуульд зааснаар Прокурор нь Хүний эрх, эрх чөлөөг хамгаалах, зөрчигдөхөөс сэргийлэх арга хэмжээ авна. Мөн ял эдлүүлэх ажиллагаанд хүний эрх, эрх чөлөөг зөрчигдсөн эсэхэд хяналт тавих үүрэгтэй. Гэвч Прокурор энэ бүхнийг эсрэгээр нь гүйцэлдүүлж хууль зөрчдөг байдал нь даварч байна. Намайг хорьдог өдөр Прокурорт хуульд заасан эрхийнхээ хүрээнд ганцхан л хүсэлт тавьсан. Энэ нь Хэвлэн нийтлэх эрхийг минь хангаж өгөхийг л хүссэн, Прокурор ч энэ хүсэлтийг зөвшөөрсөн. Харамсалтай нь энэ эрхээ эдэлж чадахгүйд хүрсний маргааш нь энэ талаар Прокурор Баярсайхан болон Ихбаяр нартай уулзах хүсэлт тавьсан ч өдийг хүртэл ирсэнгүй. Тиймээс хэвлэн нийтлэх эрх зөрчиж буйг Прокурор нарын хууль бус үйлдэл гэж үзэхээс аргагүй байна хэмээв.
