Ормузын хоолой хаалттай хэвээр өдрүүд үргэлжилж, олон улсын газрын тосны үнэ огцом өслөө.
Ормузын хоолойгоор дамжин өнгөрөх тээвэрлэлт тасалдаж, АНУ болон Ираны хоорондын хоёр дахь шатны хэлэлцээрийн хэтийн төлөв тодорхойгүй хэвээр байгаа тул аюулгүй хөрөнгийн зах зээлийн эрэлт дахин эрчимжжээ. Үүний үр дүнд өнгөрсөн 19-ний орой шинэ арилжааны долоо хоног эхлэхэд олон улсын газрын тосны үнэ огцом өссөн байна.
Америкийн дорнодын цагаар тухайн өдрийн 19:15 цагийн байдлаар Нью-Йоркийн барааны бирж дээр тавдугаар сард нийлүүлэх хөнгөн түүхий газрын тосны фьючерсийн үнэ нэг баррель нь 89.85 ам.доллар байсан нь өмнөх арилжааны өдрийн хаалтаас 7.16%-иар өсчээ. Мөн Лондонгийн Брент түүхий газрын тосны зургадугаар сард нийлүүлэх фьючерсийн үнэ нэг баррель нь 95.68 ам.доллар болж өссөн нь өмнөх хаалтаас 5.86%-иар өссөн үзүүлэлт юм.
Зах зээлийн өөдрөг төсөөлөл буурсан тул АНУ-ын гурван гол хувьцааны индексийн фьючерс 19-ний өдрийн арилжаа эхлэхэд мэдэгдэхүйц 0.5%-иас дээш хувиар буурсан байна. Үүний зэрэгцээ алт, мөнгөний олон улсын фьючерсийн үнэ тус тус ойролцоогоор 1.7% болон 2.7%-иар буурчээ.
Ормузын хоолойгоор дамжуулж нефть гаргадаг гол орнууд:
Саудын Араб
Иран
Ирак
Кувейт
Катар
Арабын Нэгдсэн Эмират Улс
Харин хамгийн их импортлогчид:
Хятад
Энэтхэг
Япон
Өмнөд Солонгос юм. Хоолой маш нарийн (хамгийн нарийн хэсэг нь ~33 км) бөгөөд
Иран хойд талаас нь хоолойг хянадаг. Дэлхийн нийт нефтийн ойролцоогоор 20% нь энэ нарийн хоолойгоор дамждаг, өдөрт ~17–20 сая баррель нефть тээвэрлэгддэг тул жижиг мөргөлдөөн ч дэлхийн хэмжээний хямрал болж хувирах ноцтой үр дагавартай юм.
