Завхан аймаг, Цагаанхайрхан сум Баянбулаг багийн “Хүйтэнгийн дөрөлж” гэдэг газар /аймгийн төвөөс баруун зүгт 50 км-т, сумын төвөөс урд зүгт 20 км-т/с Отгон сумаас Улиастай сумын чиглэлд зорчиж явсан 9 зорчигчтой суудлын автомашин цасанд сууж, эвдэрсэн тухай дуудлагыг 2026.01.18-ны өдрийн 08:40 цагт онцгойгийнхон хүлээн авчээ. Тус аймгийн Онцгой байдлын газрын Эрэн хайх, аврах бүлгийн алба хаагчдыг очиход иргэн Х-ын "Toyota Prius 20" загварын суудлын автомашин эвдэрч цасанд суусан байсан ба зорчигчидыг Улиастай суманд авчирч ар гэрийнхэнд нь хүлээлгэн өгчээ.
Өнөөдрөөс орон нутгийн сургуулиуд хичээлээ эхэлж байгаа. Тиймээс тухайн машин сургуульдаа очихоор 6 хүүхэд, мөн 3 том хүн зорчиж явсан байна.
