Японы цагдаа нар эмэгтэйчүүдийг мансууруулж хүчирхийлдэг таксины жолооч эрийг баривчилснаа мэдээллээ. Японы хэвлэлүүдэд мэдээлснээр гэмт хэрэгтэн өнгөрсөн 15 жилийн хугацаанд такси эсвэл гэртээ 50 орчим эмэгтэйг хүчирхийлсэн нь тогтоогдсон байна. Түүний гэрээс 3000 орчим гэмт хэргийг нотлох хүчирхийлэл үйлдэх үедээ хийсэн видео, дүрсийг олжээ.
Жолооч эр 54 настай бөгөөд өнгөрсөн жил гэхэд 20 гаруй насны эмэгтэйд нойрны эм өгч унтуулаад гэртээ аваачиж, ёс суртахуунгүй үйлдэл хийсэн. Хохирогчийн үснээс нойрны эмний ул мөр илэрсэн гэж гэж Токиогийн цагдаагийн төлөөлөгч мэдэгдэв
Гэмт хэрэгтний утас болон бусад төхөөрөмжөөс 2008 оноос эхлэн бичсэн бичлэгүүд олдсон байна.
Ингэж баривчлагдахаас өмнө буюу өнгөрөгч аравдугаар сард тэрээр нэгэн эмэгтэйд хар тамхи өгч, 40,000 ¥ (280 доллар) дээрэмдсэн хэргээр баривчлагдаж байжээ. Гэвч удалгүй суллагдсан ба арванхоёрдугаар сард бусдын биед халдсан хэргээр дахин баривчлагдаж байжээ.
Гэмт хэрэгтэн зорчигчдод эрүүл мэндэд нь санаа тавих нэрийдлээр эмтэй ус өгдөг байсан гэж NHK телевиз мэдээллээ.
