Цахим хөгжил, инновац, харилцаа холбооны сайд Ц.Баатархүү 2025 онд хийхээр төлөвлөсөн ажлаа танилцууллаа. Тэрбээр "Орон даяар 5G сүлжээ нэвтрүүлэх бэлтгэл ажлыг хангасан. Ирэх гуравдугаар сард сонгон шалгаруулалтаа эхлүүлнэ. 2023 онд нэвтрүүлэхээр төлөвлөж байсан боловч хойшилсон. 5G сүлжээ нэвтрүүлснээр хот, хөдөөгийн дижитал ялгаатай байдал арилна. Нийт нутгийн 23 хувьд интернэтийн үйлчилгээ орсон. Энэ од сумдын интернэтийн хурд 10 дахин нэмэгдэнэ.
Цахилгаан, усны тоолуурын заалтыг заавал нэг хүн очиж харж бахйж бичдэг байдал арилна. Тоолуур нь өөрөө мэдээллээ дамжуулдаг болно. Бүх шатанд цахимжиж байгаа ч өгөгдлийг хадгалах, кибер аюулгүй байдлын эрсдэлийг хангах шаардлагатай байгаа. Бид цаашид олон улсын түвшинд нийцсэн дата төв байгуулах шаардлагатай байгаа. Дата төвийг Хүннү хотод барихаар зураг төслийн ажлыг эхлүүлсэн.
Манай улс кибер аюулгүй байдлын индексээр 193 орноос 103-т явж байна. Төрийн байгууллагуудын цахим хуудас руу өдөр бүр халдлага ирдэг. Тиймээс төрийн байгууллагууд бүгд кибер аюулгүй байдлын мэргэжилтэнтэй байх шаардлага үүссэн" гэлээ.
