Баянзүрх дүүргийн Засаг дарга Н.Баярмөнхийг огцруулах талаар БЗД-н ИТХ дахь Ардчилсан намын бүлгээс мэдээлэл хийлээ. БЗД-н засаг дарга Н.Баярмөнх томилогдоод 2,5 жилийн хугацаа өнгөрсөн байна. Тухайн жилийн хүрээнд эрх мэдлийн хүрээнд дүүргийн иргэдийн эрх ашигт нийцсэн дорвитой ажил хийгдээгүй гэж үзэж байгаа юм байна.
Н.Баярмөнх нь өөрийн хамаатан садан, найз нөхөд, хамаарал бүхий 43 хүнийг хорооны Засаг даргын үүрэг гүйцэтгэгчээр томилжээ. Дүүргийн нутаг дэвсгэр ковид цар тахлаас урьдчилан сэргийлэх арга хэмжээг хэрэгжүүлнэ гэсэн үндэслэлээр 2020 оны 11 сард томилогдож он дуусахад 1 сар гаруй хугацаа дутуу байхад дүүргийн нөөц төсөвт тодотгол хийж Засаг даргын нөөц хөрөнгө дээр 2,5 тэрбум төгрөг төсөвлөсөн, зарцуулалт тодорхойгүй.
2022 оны 4 дүгээр сарын 15-ны өдрийн ДИТХ-н 35-р тогтоолын хавсралтаар одоогоос нэг жилийн өмнө БЗД-н хүн амын тоо 459,237 өрхийн тоо 132656 байхад 520 хэсэгтэй буюу ийм хэмжээний хэсгийн ахлагчтай байхаар баталсан. Гэтэл Дүүргийн Иргэдийн Төлөөлөгчдийн хуралдаанаар хэсгийн ахлагчийн тоог 557 болгож нэмэгдүүлэхээр санал оруулж ирэхэд хүн амын тоо 408,797 өрхийн тоо 113,245 болж буурч хуралдаанд танилцуулагдсан нь Төрийн үйлчилгээний бүтцийг өөрчилж БЗД-н хүн амын тоог 50,400, 19,400 өрхөөр нэмэгдүүлж бүртгэсэн байгаа нь сонгуулийн луйврын шинжтэй хардалт төрүүлж байна. Нэгжийн тухай хуулийн 32-р зүйлд зааснаар тухайн Баг хорооны иргэд нь нийтийн хурлаа хуралдуулж, хурлаараа иргэд нь өөрсдөө засаг даргаа сонгодог. Холбогдох хуулиудын дагуу дүүргийн захиран зарцуулах төсвийн хэмжээ өмнөх жилүүдээс 10 дахин нэмэгдсэн байхад дүүргийн иргэдийн тулгамдсан асуудал болох эмнэлэг, эрүүл мэндийн үйлчилгээг нэмэгдүүлэх арга хэмжээг өдий хүртэл авч ажиллаагүй байна. Мөн 15 хороог нэмж байгуулсан хэдий ч өнгөрсөн хугацаанд нэг ч Өрхийн эмнэлгийг шинээр нээж ажиллуулаагүй зэрэг үйлдлүүд нь БЗД-н засаг даргын огцруулах ханалттай үндэслэл гэж үзэж байгаа юм байна.
Бэлтгэсэн Г.Тунгалаг
