Улсын 2022 оны төсөвт Богд Зонхова хөшөө барихад зориулж 32.5 тэрбум төгрөг төсөвлөсөн нь олон нийтэд ил болж, хүчтэй шүүмжлэлд өртөөд байна. Анх 5.5 тэрбумын төсвөөр эхэлсэн энэ төсөл яагаад огцом 32 тэрбум руу үсрэв гэдэг нь онцгой анхаарал татаж байгаа юм. Энэ төсөлд төсвөөс дэмжлэг үзүүлэх шийдвэрийг У.Хзрэлсүхийн Засгийн газар огцрохоосоо нэг өдрийн өмнө гаргасан гэх мэдээлэл ч хуурай өвсөнд тавьсан түймэр мэт түгэв. Харин Сангийн сайд асан Ч.Хүрэлбаатар энэ мэдээлэлд няцаалт өгч, УИХ-ын 3 гишүүний саналаар төсөвт хөрөнгө нь нэмэлтээр суусан гэдгийг илчилсэн юм. Гэхдээ 32 тэрбумын лобби хийсэн нь гурав биш дөрвөн гишүүн ажээ.
УИХ-ын дарга Г.Занданшатар, гишүүн Ц.Анандбазар, Ш.Адьшаа, Ц.Цэрэнпунцаг нар төсөв батлах үеэр парламентад лобби хийж, 32.5 тэрбумыг ямар нэгэн бартаа саадгүйгээр чигээр нь зүтгүүлжээ. УИХ-ын гишүүн Ш.Адьшаа, Ц.Цэрэнпунцаг нар дундаа Монголын бурхан шашинтны нийгэмлэг нэртэй ТББ эзэмшдэг. Түүгээрээ дамжуулж шашин номын чиглэлийн үйл ажиллагаа явуулдаг. Харин охид хүүхнүүдийг удаа дараа хүчирхийлсэн гэх хэрэгт холбогдоод байгаа Ц.Анандбазарын хувьд бурханы шашинд гүн орсон сүсэгтэн гэдгээ удаа дараа зарласан байдаг. Спикер Г.Занданшатарын хувьд мөн л сүсэг бишрэл өндөртэй нэгэн.
Энд хүний сүсэг бишрэлийг ялгаварлах ямар ч зорилго байхгүй. Харин улсын төсвийн мөнгийг ажил нь аль хэдийнэ эхэлсэн төсөл рүү араас нь нөхөж төсөвлөв, цар тахалтай тэмцэж буй хүнд цаг үед хөшөө барихад л анхаарах ёстой юу гэх мэт асуултууд зайлшгүй урган гарна. Олон нийт үүнийг мэдэх эрхтэй. Хөшөө барихад цацах гэж буй 32 тэрбум төгрөгөөр цар тахлаар өдөрт арав арваараа амь насаа алдаж буй хүмүүсийнхээ эрүүл мэндийг хамгаалахад зарцуулж яагаад болохгүй байгааг эрх баригчдаас асуух ч эрхтэй. УИХ-ын гишүүд нийт ард түмний эрх ашгийн төлөө ажиллана гэж Үндсэн хуульд тангараг өргөсөн атлаа нэг төсөл, нэг бизнесийг лоббидож байгаа нь тангаргаасаа няцсан үйлдэл мөнөөсөө мөн.
Үнэхээр хүнийг хэлсэн үг үйлдлээр нь хэн бэ гэдгийг харчих юмаа яасан хэцүү юм бэ адьшаа чи одоо болио хил дээр байцаагч хийж байх үе.авилга авч байсан үе. нэрээ баатар болгоод нуугдаж байсан үеийг чинь бид мартаагүй ээ бөх байцаагч бас хүчиндэгч дээрээс нь унтаа уих дарга занданшатар та нар ард түмнийг бүү доромжил бид чинь юмыг ойлгож тунгаах чадвартай хүмүүс шүү сэтгэх чадвар чинь хүрэхгүй байгаа бол зайгаа тавиад өг та нарын баталж байгаа хууль ихэнх нь хэн нэгний ашгийг хамгаалж байгаа ард түмний төлөө хийж байгаа зүйл чинь ер нь л ховор байна шүү ард түмэн та нараас хүчтэй шүү