Орос, Украины хоёр дахь шатны хэлэлцээ өнөөдөр буюу гуравдугаар сарын 2-нд Беловежская Пуща дүүрэгт болно гэж RT агентлаг мэдээллээ. Харин эхлэх цаг хугацааг тодорхойлсонгүй. Мөн хэлэлцээр хийх газрыг нарийвчлан нэрлэсэнгүй.
"Орос, Украины төлөөлөгчдийн хоёр дахь шатны хэлэлцээний тов тодорхой болсон. Энэ нь 3-р сарын 2-нд Беловежская Пуща дүүрэгт болно гэдгийг й RT агентлаг өөрийн эх сурвалжаас иш татан мэдээлж байна хэмээн дурджээ.
Хоёр орны төлөөлөгчдийн анхны уулзалт хэлэлцээ даваа гарагт Белорусийн Гомель мужийн нутагт болсон. Энэ үеэр талууд нийтлэг асуудлуудаа тодорхойлсон гэж мэдэгдсэн бөгөөд энэ бүхнээ дахин тодотгосны дараа хоёр дахь шатны хэлэлцээг эхлүүлэхээр тохиролцсон юм.
Тодруулахад Беловежская Пуща гэдэг нь Белорусь Польшийн хил дагуух бүс нутаг бөгөөд үндэсний дархан цаазат газар гэдгээрээ алдартай.
