УБ хот маань өргөжин тэлж дэлхийн жишиг хот болох, хөдөлгөөний түгжрэлийг бууруулах, хорт хий утааг багасгах, иргэдийн хөдөлгөөний хомсдолыг бууруулах, чөлөөт цагаа зөв боловсон өнгөрүүлэх гээд олон асуудлыг шийдвэрлэхэд чухал нөлөө үзүүлэх хэрэгсэл нь яалтачгүй унадаг дугуйн зам түүний хэрэглээ билээ.
Иймээс Нийслэл маань сүүлийн жилүүдэд дугуйн замын тоог олшруулах, олон улсын жишиг тэр дундаа манай эрс тэс уур амьсгалтай Монгол орны нөхцөлд таарсан Унадаг дугуйн замын шинэчилсэн стандартыг боловсруулан батлах гэж байна.
Монгол улсын унадаг дугуйн замын хамгийн сүүлийн стандарт 2016 онд батлагдсан (MNS:2016) байдаг. УБ хотод одоогоор 80 гаруй км дугуйн зам байгаа ба 2022-2024 онд 98 км явган ба дугуйн замыг барихаар төлөвлөжээ.
2021 онд Унадаг дугуйн замын шинэчилсэн стандартыг боловсруулахад доорхи мэргэжлийн байгууллагууд идэвхитэй оролцож олон удаа хэлэлцэж нилээд боловсронгуй стандартыг МУ-ын Стандарт хэмжил зүйн газрын Техникийн хороонд 2021 оны 12 сарын 20-нд өргөн барилаа.
1. МУ-ын Зам тээврийн хөгжлийн яам
2. Замын хөдөлгөөний төлөвлөлт, зохицуулалт, инженерчлэлийн газар
3. “Кадсүрвэй” ХХК
4. “Замын хөдөлгөөний удирдлагын төв” НӨҮГ
5. Монголын Дугуйн Холбоо
