УСУГ-ын Бохирдол бууруулах нэгжээс Улаанбаатар хотод мах, махан бүтээгдэхүүний чиглэлээр үйл ажиллагаа явуулдаг үйлвэрлэгчтэй хийх уулзалт, ярилцлагыг 2026 оны 05 дугаар сарын 28-ны өдрийн 10:00 цагаас 12:30 цагийн хооронд хөтөлбөрийн дагуу зохион байгууллаа.
Тус уулзалт, ярилцлагаар мах, махан бүтээгдэхүүн үйлвэрлэгчдийн үйл ажиллагаанд мөрдөгдөх хууль эрх зүйн ерөнхий шаардлага, бохир усны өнөөгийн нөхцөл байдал, тулгамдсан асуудлыг танилцуулж, цаашид үйлдвэрийн усны хэрэглээ болон бохир усны хэмжээг зөв тооцох, урьдчилан цэвэрлэх байгууламжийн технологийн үндсэн үе шат, ашиглалт, үйлчилгээ, засвар ашиглалтын талаар заавар, зөвлөмж өгсөн байна.
Улаанбаатар хотод мах, махан бүтээгдэхүүний үйлдвэрлэгчид нь цустай ус, өөх тос, сэвс болон органик бохирдлоор төв цэвэрлэх байгууламжийг хэт ачааллуулж, усны бохирдол үүсгэдэг гол салбаруудын нэг юм. Иймд Ус Сувгийн Удирдах Газар (УСУГ)-ын Бохирдол бууруулах нэгжээс үйлдвэрүүдэд урьдчилан цэвэрлэх байгууламжтай болох, бохир усны хэмжээг зөв тооцох заавар, зөвлөмж өгч ажилладаг юм.
