Өмнөд Солонгосын тэргүүн хатагтай асан Ким Кеон Хи мягмар гарагийн оройноос эхлэн шоронд хоригдож байгаа. Тэрээр Сөүлийн Намбугийн хорих төвд хоригдож буй бусад хоригдлуудын адил нөхцөлд, хоол унд ч адил байгаа гэж хуулийн байууллагаас мэдээлжээ. Хэдий тэргүүн хатагтай байсан ч гэлээ бусад хоригдлуудын адил хоол иднэ. Шоронгийн нэг удаагийн хоол нь ойролцоогоор 1500 вон (1.08 ам. доллар) байдаг гэж мэдээлэв.
Тэрээр харин шүршүүрийн өрөөнд тусдаа орох нямаас бусад гарагт өдөр бүр гадаа нэг цаг дасгал хийх эрхтэй байгаа ажээ. Түүний усанд орох, дасгал хийх цагийг бусад хоригдлуудтай тааруулахгүйгээр тохируулсан гэсэн мэдээлэл байна.
2011 онд нээгдсэн Намбугийн хорих газар нь Өмнөд Солонгост эмэгтэй харгалзагчаар удирдуулдаг цөөхөн газрын нэг аж. Кимийн камер нь жижиг ширээ, шалны гудас бүхий даруухан өрөө байгаа гэж хэвлэл мэдээллийнхэнд мэдээлэл өгөх эрхгүй тул нэрээ нууцлахыг хүссэн эх сурвалж хэлжээ.
Түүний нөхөр, БНСУ-ын ерөнхийлөгч асан Юн Сук Ёол хоригдоод 100 хоног өнгөрч буй. Түүнийг онц байдал нэрээр байлдааны нөхцөл байдал тогтоох гэж оролдсон хэргээр шүүж байгаа бөгөөд бослого гаргасан гэж буруутгаж байгаа юм. Ерөнхийлөгч асан Юн үүнийг үгүйсгэж хүлээн зөвшөөрөхгүй байгаа бөгөөд экс тэргүүн хатагтай ч мөн адил өөрт оноосон хэргийг хүлээн зсвшөөрөхгүй байгаа юм. Өмнөд Солонгосын тэргүүн хатагтай асан Ким Гон Хид хувьцааны үнийн манипуляц хийхэд хамтарсан, сонгуульд хөндлөнгөөс оролцсон, хээл хахууль авсан хэрэгт холбогдуулан шалгаж байгаа.
