Танин мэдэхүйд суурилсан энэрэх сэтгэлийн сургалт, бясалгал энэ сарын 15,16-ны өдрүүдэд Туушин зочид буудлын Соёмбо танхимд зохион байгуулагдах гэж байна. Уг сургалтыг АНУ-ын Эмори Их сургуулийн Тунгаан шинжлэх, энэрэхүйд суурилсан ёс зүйн төвийн захирал, СВСТ хөтөлбөрийг үндэслэгч доктор Тэнзин Нэги удирдан явуулна.
Энэрэх сэтгэл хүн бүрд их бага хэмжээгээр байдаг хэдий ч үүнийг үг яриа, үйл хөдлөлдөө дадуулж, амьдарлынхаа турш хөгжүүлж явах нь сэтгэл зовнил, сэтгэл гутрал, ганцаардал зэрэг сэтгэл зүйн тогтворгүй байдлаас улбаатай олон асуудал, сэтгэл зүйн эмгэг үүсэхээс хамгаалдаг гэж доктор Нэги ярилцлагадаа дурдсан байна. Хэрэв та стресстэй, уур бухимдалтай, ажлаас халшрах, залхах мэдрэмж тээн удаан явбал таны биед эсийн түвшинд үрэвсэл үүсч, олон өвчний суурь шалтгаан бүрддэг байна. Сэтгэлийн хат, биеийн эрүүл мэндийг удаан хугацаанд хадгалах чадвар олгох СВСТ сургалтад доорх линкээр бүртгүүлнэ үү.
https://www.facebook.com/photo?fbid=715086601203101&set=a.206035932108173
Түүнчлэн, СВСТ буюу танин мэдэхүйд суурилсан энэрэх сэтгэлийг хөгжүүлэх хөтөлбөрийг монголд үе шаттайгаар хэрэгжүүлж, нийт хүн амын сэтгэлийн эрүүл мэндийн боловсролд хувь нэмэр оруулах зорилгоор “Дилов хутагт сан” олон үйл ажиллагаа зохион байгуулдаг байна. Тухайлбал, энэрэх сэтгэлийн үйлдэл сэдэвт богино хэмжээний видео, рийлсийн уралдаан зарласан бөгөөд нийгэмд эерэг өөрчлөлт авчрахуйц энэрэнгүй сэтгэл, халуун дулаан харилцаа, хүндлэл, талархал зэргийг харуулах нь энэ уралдааны шалгуур аж. Уралдааны шагнал болон бусад мэдээллийг доорх линкээр хүргэе.
https://www.facebook.com/CBCTCompassionTrainingMongolia/videos/1466516017661703
https://www.facebook.com/CBCTCompassionTrainingMongolia/posts/pfbid0JB1WNy356iSYRqUpTgUbHmPCii6eQ6jGS6UnPFdSfE9X4f1Wv7hHWuG3mLAoeb68l
