Монгол Улсын Гавьяат тамирчин Г.Өсөхбаяр 20 жилийн дараа дэлхийн дээвэр ноён оргил 8848 метрийн өндөрт оршдог Эверестэд дахин хөл тавьжээ. Тэрбээр "Тэгвэл энэ жил 2025 оны дөрөвдүгээр сарын 21-нд, 20 жилийн дараа дахин Эверест ууландаа очиж эрхэм анд Зууны манлай, Ардын жүжигчин, Төрийн шагналт Ц.Сэвжидийн ач хүү, Хөдөлмөрийн баатар, Төрийн соёрхолт, Урлагийн гавьяат зүтгэлтэн, Гавьяат жүжигчин, “Хар сарнай” хамтлагийг үүсгэн байгуулагч ахлагч С.С.Амармандах андынхаа “Хар сарнай” хамтлагийн 35 жилийн ойд зориулсан тугийг Эверестийн оргилд мандуулсан байна.
Монголын Рок поп, Хип хоп шилдэгийн шилдэг хамтлаг дуучид, хөтлөгч уран бүтээлчид оролцсон “Хар сарнай-35 GOLDEN HITS ALL STSARS” тоглолт 2025 оны тавдугаар сарын 24-нд "Хит парк"-т шоу тоглолтоо тоглох гэж байна" гэж цахим хуудастаа нийтэлжээ. “Хар сарнай” хамтлаг анх 1992 онд байгуулагдаж, Монголд анх удаа реп техно урсгалаар уран бүтээл туурвиж эхэлсэн “Хар сарнай” хамтлаг 1996 онд "Бүтээнэ сөнөөнө" анхны цомгоо гаргаж байжээ.
