Зургаан хүний амийг авсан нисдэг тэрэгний тур компани хаалгаа барьжээ

АНУ-ын Хадсон голын ослоор зургаан хүний амийг авсан Нью-Йоркийн нисдэг тэрэгний тур компани үйл ажиллагаагаа тэр даруй зогсоож, компаниа хаасан гэж тус улсын Холбооны нисэхийн зөвлөлөөс мэдээллээ. Тус компанийн аялалын лиценз, аюулгүй байдлын бүртгэлийг шалгаж байгаа бөгөөд Тээврийн аюулгүй байдлын үндэсний зөвлөлөөс мөрдөн байцаалтыг явуулж байгаа ажээ.

Нисдэг тэрэгний нисгэгч нь Тэнгисийн цэрэгт ажиллаж байсан 36 настай Сеанкес Жонсон гэж хүн байсан бөгөөд тэрээр 2023 оны наймдугаар сард арилжааны нисдэг тэрэг жолоодох эрх авсан, агаарт 788 цаг ниссэн хүн байв.

Нью-Йоркийн цагдаагийн газрын шумбагчид 4-р сарын 13-нд аврах ажиллагааг үргэлжлүүлж, нисдэг тэрэгний үндсэн ротор, хурдны хайрцаг, сүүлний ротор, сүүлний тэнхлэгийн томоохон хэсгийг олжээ. Мөн Үндэсний Тээврийн Аюулгүй Байдлын Зөвлөлийн мөрдөн байцаагчид нисдэг тэрэгний нислэгийн удирдлагын системийг үнэлж эхэлсэн байна. Бүхээг, хэвтээ тогтворжуулагчийн сэрвээ, босоо сэрвээ, сүүлний хэсэг гэх мэт эд ангиудыг Вашингтон дахь лабораторид шалгуулахаар илгээсэн байна.

Сименсийн ахлах захирал Эскобар Нью Йорк хотод ажлаар ирсэн боловч гэр бүлийнхэнтэйгээ хамт дөрөвдүгээр сарын 11-нд охиныхоо есөн насны төрсөн өдрийг тэмдэглэхээр аяллаа сунгасан байжээ.