УИХ-ын ээлжит сонгуулийн өмнө малчдын саналыг авахын тулд "Шинэ хоршоо" нэртэй хөдөлгөөн улс орон даяар өрнүүлсэн. Санаачлагчид санасандаа хүрч энэ хөдлөгөөний хүрээнд чамгүй мөнгө тараасан. “Шинэ хоршоо” хөдөлгөөний салбар дундын уялдааг хангах Үндэсний хорооны нарийн бичгийн дарга Н.Азжаргал өнгөрсөн хугацаанд нийтдээ 68500 орчим малчид уг хоршооны гишүүнээр элсэж, 17.000 малчин 558 орчим тэрбум төгрөгийн хөрөнгө оруулалтын зээл авсан. “Шинэ хоршоо” хөдөлгөөний зээлд хамрагдсан 17000 малчин өвлийн болзошгүй эрсдэлийн бэлтгэлээ хангасан гэсэн дүгнэлт гарсан хэмээв. Зээл аваад өвлийн бэлтгэл хангасан гэсэн энэ дарга, энэ хоршооны цаадах мөнгөний эргэлтийг шалгах цаг нэгэнт болсон мэт.
