Сагсан бөмбөгийн Үндэсний шигшээ баг болон 3х3 сагсан бөмбөгийн “Улаанбаатар Амазонс” багийн тамирчин Онолбаатарын Хулан БНХАУ-ын Үндэсний Дээд Лиг буюу WCBA-д “Ухань Шенфан” багтай гэрээ байгуулснаар гадаадад лигт тоглох Монголын анхны эмэгтэй тоглогч болж байна.
О.Хулан өөрийн нүүр номдоо “WCBA-ийн “Wuhan Shengfan” багтай гэрээ байгуулж тоглохоор болсондоо туйлын баяртай байна. Өдийг хүртэл мэргэжлийн төвшинд бэлтгэлээ хангаж олон улсын хэмжээнд өрсөлдөхөд бүх зүйлээр хангахад тусалсан Ulaanbaatar Amazons клубийн http://Лүндэгийн НаранбаатарKhassuuri GankhuyagGongor DamdinnyamTsogttsolmon Batbayar 4 ахдаа баярлаж явдгаа хэлмээр байна. http://Mongolian 3×3 Basketball Association/MGL3x3 МСБХ-ны сайн үйл ажиллагаа, олон тэмцээний үндсэн дээр тамирчид бид өдөр бүр сайжирч, олон улсын хэмжээний тамирчид болсоор байна. Холбооны ерөнхийлөгч Батцэнгэл захирал http://Myagmarjav Luvsandash болон арын албаны бүх ажилчдадаа маш их талархаж байна. Өдийг хүртэл намайг бэлдсэн тусалсан бүх багш нартаа чин сэтгээлээсээ баярлалаа, та наргүйгээр одоогийн Хулан бий болохгүй байх байсан шүү. Mongolian girl is onto the next level Алхам бүрт минь дэмждэг бүх Монголчууддаа баярлалаа” гэжээ.
