Монгол Улсын Засгийн газрын 2020-2024 оны үйл ажиллагааны хөтөлбөрт тусгагдсан Эрдэнэбүрэний усан цахилгаан станцын барилга угсралтын ажлын гүйцэтгэгч компанитай Эрчим хүчний яам өнгөрөгч есдүгээр сарын 17-ны өдөр гэрээ байгуулсан байдаг. Гэтэл өнгөрсөн арваннэгдүгээр сарын 8-ны өдөр Увс аймгийн Өмнөговь сумын ИТХ-аас Эрдэнэбүрэний усан цахилгаан станц барих ажлыг зогсоох арга хэмжээ авах тухай тогтоолыг гаргажээ. Орон нутгийн удирдлагууд иргэд хүссэн учраас ийм шийдвэр гаргасан хэмээн тайлбарлажээ. Өмнөговь сумын тухайн газар нутгийн малчид багийн хурлаа хийхэд 100 хувь УЦС бариулахгүй гэж саналаа өгсөн байдаг. Харин Засгийн газар эрчим хүчний аюулгүй байдлаа хангах үүднээс Эрдэнэбүрэн болон Эгийн голын УЦС-ыг барихад бүх хүчээ дайчилна хэмээн мэдэгдээд байгаа юм. 
