Улсын онцгой комиссоос өнөөдөр цаг үеийн асуудлаар ээлжит мэдээллээ хийлээ. УОК-ын нарийн бичгийн дарга Т. Баярхүү:
-Хаваржилтын хүндрэлийг хохирол багатай туулах, зудын эрсдлийг бууруулах чиглэлээр Монгол Улсын Засгийн газраас өндөржүүүлсэн бэлэн байдлын зэрэгт шилжин холбогдох арга хэмжээг авч ажиллаж байгаа. Өнөөдрийн байдлаар /2024.04.12/-ны нийт нутаг дэвсгэрийн 90 хувь нь цасгүй болсон байна. Харин Баян-өлгий, Ховд аймгийн баруун хэсэг, Завхан, Хөвсгөлийн хойд хэсэг, Увс аймгаар цасан бүрхүүлтэй байгаа юм. Зудтай аймгийн тоо буурсан ч хаваржилт хүнд хэвээр малын хорогдлын тоо нэмэгдсээр байна. Улсын хэмжээнд /2024.04.11/-ний байдлаар малын хорогдол нийт 6.5 сая мал хорогдсон.
Сүхбаатар аймагт 1.6 сая, Хэнтий 903 мянга, Архангай аймагт 692 мянга, Дорноговь 542 мянга төв 542 мянган мал хорогдсон.
Мөн улсын хэмжээнд малын сэг зэмийг устгах шаардлагатай арга хэмжээг авч ажиллаж байна. Аймаг сумын онцгой комисс гамшгаас хамгаалах орон нутгийн мэргэжлийн ангуид малчин өрхөд хоол хүнс, тэжээл хүргэх ажил үргэлжилж байгаа. Хаврын хуурайшилтын үе эхэлсэн энэ үед ой хээрийн түймэр их гарч байна. Өдөр бүр ой хээрийн түймрийн дуудлага мэдээлэл бүртгэгдсээр байгаа. 2024 он гарсаар ой хээрийн түймрийн дуудлага мэдээлэл 25 ирсэн. Тиймээс иргэд аж ахуй нэгж энэ тал дээр мэргэжлийн байгууллагаас гаргасан зөвлөмж сэрэмжлүүлгийг дагаж сэрэмжтэй байхыг онцгойлон анхааруулж байна.
