БНХАУ-ын ӨМӨЗО-ы Манжуур хотод "Ковид-19"-ын халдварын тоо нэмэгджээ. Өчигдөр буюу арваннэгдүгээр сарын 30-ны өдрийн 00:00-14:00 цагийн хооронд Манжуур хотод халдварын 34 тохиолдол шинээр бүртгэгдсэн байна. Ингэснээр Манжуур хотод орон нутгийн халдварын 73 батлагдсан тохиолдол шинээр бүртгэгдээд байгаа ажээ.
Одоогийн байдлаар, Манжуур хотод батлагдсан бүх тохиолдлуудыг тусгаарлан эмчлэхээр боомтын эмнэлэгт шилжүүлжээ. Арваннэгдүгээр сарын 30-ны өдрийн 12:00 цагийн байдлаар, ойрын хавьтлын нийт 2740 хүн, дам хавьтлын нийт 1410 хүнийг илрүүлээд байгаа аж.
Энэ долоо хоногийн даваа гарагт Манжуур хот нуклейн хүчлийн хоёр дахь шатны томоохон шинжилгээ хийж, нийт 154084 хүнээс дээж авснаас 15 эерэг тохиолдол илэрсэн байна. Өчигдөр мөн тус хотод нуклейн хүчлийн өргөн хүрээтэй шинжилгээг гурав дахь удаагаа хийж, 73851 хүнээс дээж авсан байна.
