Засгийн газраас шийдвэр гаргаж нүүрсний хулгайн хэргийг хянан шалгах ажлын хэсгийн бүрэлдэхүүнийг өргөтгөжээ. Нүүрсний хэргийг шалгах ажил ямар нэг шалтгаанаар гацах ёсгүйг анхааруулсан гэнэ. Ялангуяа гэмт хэрэг холбогдон шалгагдаж байхдаа гадаад руу гараад сураггүй болсон хүмүүсийг олж авчрах талаар Ерөнхий сайд Л.Оюун-Эрдэнэ тодорхой үүрэг өгсөн байна.
Авилга, албан тушаалын хэрэгт холбогдон шалгагдаж байгаа ч хилээр гарч эх орондоо ирэхгүй байгаа Ерөнхий сайд асан Ч.Сайханбилэг, Тавантолгой төмөр зам ХХК-ийн гүйцэтгэх захирал асан Н.Удаанжаргал, ХХААХҮ-ийн сайд асан Т.Бадамжунай нарын хүмүүсийг эрх зүйн харилцан туслалцааны хүрээнд шилжүүлэн авахыг холбогдох хүмүүст үүрэг болгожээ.
