Дорноговь аймгийн Хулангийн шанд гэх газарт урд шөнө ачааны галт тэрэг осолджээ. Осол болсон газар нь "Тавантолгой -Зүүнбаян" чиглэлийн төмөр замаас 70 км-ийн зайтай юм байна. Одоогоор вагоны зүтгүүр болон хүний эрүүл мэндэд хохирол учирсан эсэх талаарх мэдээлэл тодорхойгүй байгаа бөгөөд тус аймгийн Онцгой байдлын газрын албан хаагчид ослын газарт очжээ.
Тавантолгойн-Зүүнбаянгийн чиглэлийн 416 км төмөр зам нь өнгөрсөн жил ашиглалтад орсон бөгөөд Тавантолгойн нүүрсийг туршилтаар тээвэрлэж байгаа юм. Вагон осолдсон асуудлаар Зам тээврийн хөгжлийн сайд С.Бямбацогт мэдээлэл хийхээр болов.
