Хөөмийбит урсгалыг үндэслэгч, Монгол улсын соёлын тэргүүний ажилтан Б.Нарандэлгэр ( Beatbox Ray) "Үндэсний өв соёлын үнэ цэнийг таниулах нь" төслийг Европын орнуудад хэрэгжүүлж эхэлжээ. Хилийн чинадад байгаа монголчууд, хүүхэд багачуудад язгуур урлагаа таниулан сурталчлах, биет болон биет бус өвийг түгээн дэлгэрүүлэхэд төслийн гол зорилго чиглэж байгаа юм байна.
Тэрбээр өөрийн багийн хамт Герман, Чех, Франц зэрэг Европын 7 улсад үндэсний өв соёлоо сурталчилж, хүүхэд залуустай уулзалт хийж байгаа ажээ. Энэхүү төслийг Гадаад харилцааны яам, Хилийн чинад дахь монголчуудын зөвлөл, Мөрөөдөлд хөтлөх эрүүл Монгол сан дэмжин ажиллаж байна. Б.Нарандэлгэрийг Гадаад харилцааны яамнаас Соёлын элчээр томилсон. Өв соёлоо сурталчлах, түгээн дэлгэрүүлэх энэхүү аялал энэ сарыг дуустал үргэлжилнэ.
