Тусгаар тогтнол хөдөлгөөний залуус өмнө Төв талбайд суулт зарлах үеэр ҮАБЗ-ийн нарийн бичгийн дарга асан А.Гансүх санхүүжүүлж, зэвсгээр хангасан байж болзошгүй хэмээн саатуулснаа тагнуулын байгууллага мэдээлж байсан. Өчигдөр А.Гансүхийг төмөр замын хэргээ бусадтай наймаалцсан, террорист ажиллагаа зохион байгуулахыг завдсан гэж буруутган шалгаж байсан асуудлыг шүүхэд шилжүүлсэн. Тиймээс уг асуудалтай холбоотой тус хөдөлгөөнийхөн зэвсэгт халдлага үйлдэхээр завдаж байсан гэж тагнуулын байгууллага үзэж саатуулсан байна.
