Үнийн өсөлтийн гол шалтгаан нь хил дээрхи ачаа барааны бөөгнөрөл. Үүнийг цэгцлэх, зохион байгуулах үүрэгтэй дарга нар нь найрлаж, наадамлаж, амарч зугаалахыг л урьтал болгосноос ард түмэн нь хийх ажилгүй, орлогогүй, дээрээс нь өдрөөс өдөрт өсөх үнийн өсөлтөд дарлуулж буйн тод жишээ энэ. Замын -Үүд өртөөн дээр өнөөдөр олон мянган вагон ачаатайгаа овоорсон. Хил дээр саатсан хоногийн тоогоор түрээс,ачааны зардал нэмэгдэж, тэр нь эцсийн хэрэглэгч ард бидэнд үнийн өсөлт болж ирж байна.

Гэтэл Замын-Үүд Өртөөний дарга Ч.Сугирбаатар гэгч “наадмын өдрүүдэд монголчууд өргөн дэлгэр наадаж, урт амрах тул 7 хоногийн турш Хятадын талаас ирэх вагоныг хязгаарлаж өгнө үү? “ гэсэн утгатай бичиг Эрээн өртөө рүү явуулжээ.

Олон улсын ачаа тээврийн тогтсон дүрэмд хэзээ ч баяр ёслолоос болж ачаа тээвэр саатах тухай ойлголт байдаггүй. Наад захын ийм дүрэм, стандарт мэдэхгүй цүнх баригчид дарга болсноор улсаа , ард түмнээ хорлож дуусахгүй ажээ. Өртөөний дарга хууль зөрчиж ийм бичиг хийгээд ачаа барааны бөөгнөрлийг 7 хоногоор саатуулж байхад УБТЗ-ын дарга Хэрлэн та бас хаагуур найрлаж, зугаалж явсан бэ?Намчин дарга нарын найр наадмын хөлд жирийн иргэд чинь хохирч, үнийн өсөлтөд нэрвэгдсээр байна.

Эх сурвалж: Сэтгүүлч Б.Отгон