ОХУ-ын Вирус судлаач, биологийн шинжлэх ухааны доктор Петр Чумаков "Кентавр" хэмээн нэрдэгдэж байгаа  шинэ төрлийн коронавирус маш хурдан тархах болно гэж үзэж байна. Тэрбээр энэ тухайгаа RT-д өгсөн ярилцлагадаа дурджээ.

Сануулахад, өмнө нь Роспотребнадзор Омикрон омгийн BA.2.75 "Центавр" төрлийн коронавирусын халдварын анхны тохиолдол ОХУ-д бүртгэгдсэн талаар мэдээлсэн. Харин халдвар авсан бүх өвчтөнүүдийн биеийн байдал хүндрээгүй хөнгөн байсан гэж  тус газар тодотгосон юм.

Гэсэн хэдий ч коронавирусын шинэ дэд зүйл хэр аюултай болохыг ярих нь эрт байна гэж вирус судлаач онцоллоо. Үүний зэрэгцээ Чумаков "кентавр" нь өмнөх омгуудаас бага аюултай гэж үзэж байгаагаа хэлжээ.

"Энэ нь маш халдварлах чадвартай гэдэг нь мэдэгдэж байна.  Ирэх 8-9-р сард  халдварын дэгдэлт гарах төлөвтэй байна. Гэхдээ энэ нь олон тооны хүн эмнэлэгт хэвтэх болон нас барах эрсдэл харьцангуй бага байх болов уу  гэж найдаж байна"гэж шинжээч дүгнэв.

Сануулахад, BA.2.75 (Centaurus) нэртэй COVID-19-ийн шинэ мутацийг Энэтхэгт зургадугаар сарын эхээр анх илрүүлсэн. Шинжээчдийн үзэж байгаагаар "үндсэн" омикроны омогтой харьцуулахад түүний шинэ дэд хувилбар нь илүү халдвартай байгааг тогтоожээ.

Тус улсад коронавирусын өвчлөл нэмэгдэж байгаатай холбогдуулан Росздравнадзор вакцинжуулалтыг эрчимжүүлэхийг уриалсан тухай өмнө нь мэдээлж байв. 

Эх сурвалж: АиФ