ТӨВ АЙМГИЙН НЭГДСЭН ЭМНЭЛЭГТ СУМОГИЙН ИХ АВАРГА Д.БЯМБАДОРЖ, ЯПОН УЛСЫН НҮДНИЙ ПРОФЕССОР, АНАГААХ УХААНЫ ДОКТОР ЭМЧ НАР ЗОЧИЛЛОО
Өнөөдөр Мэргэжлийн сумогийн их аварга Харумафүжи Д.Бямбадорж, Япон улсын “Fight for vision specified Non-profit Corcorution” байгууллагын эмч нарын сайн дурын багийнхан эмнэлгийн үйл ажиллагаатай танилцаж, онцлон нүдний кабинетын иргэдэд үзүүлж буй тусламж үйлчилгээний чанар, төрөл, тоног төхөөрөмжийг үзэж танилцлаа. Тэднийг аймгийн Засаг дарга Д.Мөнхбаатар, Эрүүл мэндийн газрын дарга С.Мөнхтуяа нар хүлээн авч уулзсан юм. Хамтын ажиллагааны хүрээнд цаашид:
-Ард иргэдийн дунд 60 дээш насанд түгээмэл тохиолддог эмгэг нүдний болор цайх эмгэгийг мэс заслын аргаар нүдний болор солих тусламж үйлчилгээг шинээр нэвтрүүлэн орон нутагтаа
эмчилдэг болох
-Хүний нөөц эмч, мэргэжилтэнг орон нутагтаа ажлын байран дээр болон Япон улсад чадавхжуулан сургах
-Орчин үеийн нэн шаардлагатай багаж, техник тоног төхөөрөмжөөр хангах
-Нүдний кабинетыг өргөжүүлэн тохижуулж, мэс заслын тоног төхөөрөмж суурилуулах
-Жил бүр туршлагатай Япон эмч нар аймагт нүдний үзлэг хийн, шаардлагатай мэс заслыг хийх зэрэг ажлуудыг шат дараатай хэрэгжүүлэх эхлэлийг тавилаа.
