Баянхонгор аймаг, Баянцагаан сумын Тариатын нуур гэдэг газар 4.4 магнитудын хүчтэй газар хөдлөлт долдугаар сарын 18-ны өдрийн 00:19 цагт болсон тухай мэдээллийг ШУА-ын Одон орон, геофизикийн хүрээлэнгээс ирүүллээ.
Аймгийн Онцгой байдлын газраар дамжуулан Баянцагаан сумын Засаг дарга, Засаг даргын орлогч, мөн тус аймгийн Онцгой байдлын газрын Баянговь сум дахь Эрэн хайх, аврах бүлгээс тодруулахад сумын төвд газар хөдлөлтийн чичирхийлэл мэдрэгдээгүй. Тухайн газарт нутагладаг малчдад газар хөдлөлтийн чичирхийлэл хүчтэй мэдрэгдсэн, учирсан хохиролгүй гэж мэдээлжээ.
