Баянхонгор аймгийн баяр наадмын үеэр бөхчүүд нэгнийгээ бэртээж, гэмтээсэн тухай асуудлыг Д.Отгончимэг гэх хүн Баянхонгорын аймгийн грүппд бичсэн байна.
Тэрбээр "Монгол бөхийн ёс жудаг дүрэм алдагдаж байна. 2022 оны 7 сарын 10-нд Баянхонгор аймгийн баяр наадам болж миний хүү Б.Бат-Эрдэнэ энэ наадамд 4 давж 5-ын даваанд Аймгийн начин Х.Балжиннямтай тунаж барилдсан. Начин Балжинням нь миний хүүг эхний 2 удаа мөргөсөн, цохисон хүү маань үүнийг хүлээцтэй өнгөрөөсөн байна. Дараагийн гурав дахь удаа гараа зангидан хамрыг нь хугартал зохиж цусыг нь садруулсан тул эрүүл мэндийн байдлаас болж ямар ч барилдах боломжгүй болгосон. Мөргөх цохих зодох хамрыг нь хугалах хүртэл бие эрхтэн болон эрүүл мэндэд нь хүнд гэмтэл учруулсан тул эх хүний хувьд хүүгээ өмөөрхөөс өөр арга байсангүй ээ.
Тухайн үед хөлийн цэцээс дүрмийн дагуу хөлийн цэцээс өрсөлдөгч бөхдөө хүнд гэмтэл учруулсан Балжиннямыг хасах шийдвэр гарч узель болон наадамчин олонд, цахим сүлжээгээр Б.Бат-Эрдэнэд тус давааны давааг олгож хөлийн цэцийн шийдвэрийн дагуу зарласан боловч Улсын том цолтой бөхийн зүгээс хөлийн цэцүүдийг дарамталж сүрдүүлснээс хөлийн цэцүүд тус улсын цолтой бөхийн хүчин нөлөөнд автаж дахин барилдах шийд гаргасан юм байна. Энэ шийдвэрийг миний хүү бөхийнхөө дүрмэндэх хөлийн цэцийн анхны шийдвэрээ дагахыг шаардаж дахин барилдахгүй гэдгээ хэлсэн юм байна. Ингээд тун удалгүй хөлийн цэцүүд дахин шийдвэр гаргаж 2 бөхийг хоёуланг нь хассан байна. Энэ удаа миний хүү хөндлөнгийн ёс зүйгүй нөхрийн үйлдлээс болж бие эрхтэнээрээ хохирсныг эрүүл мэндийн байгууллага тогтоогоод байгаа билээ.
Энэ үйлдлийг МҮБХ-нд Баянхонгор аймгийн хөлийн цэц цэцүүдэд хөндлөнгөөс нөлөөлсөн Улсын цолтой бөх 2-ын гаргасан шийдвэртэй танилцахыг уламжилж байна.
Ташрамд хэлэхэд хүү маань миний энэхүү пост бичихийг эс зөвшөөрсөн ч ээж нь тэвчиж өнгөрөөж чадсангүй ээ. Уучлаарай хүү минь цаашдаа олон олон залуу бөхчүүд бөхийн эрдэмд өөрийгөө сорьж яваа хүүхдүүдэд,мөн ээжүүдэд нь чи бид 2т тохиолдсон шиг зүйл битгий тохиолдоосой гэсэндээ энэхүү зурвасыг үлдээлээ.
Миний энэхүү үйлдлээс болж хүүд маань элдэв дарамт ирэхгүй гэдэгт итгэж байна. Миний хүүг дэмжин үздэг олон олон үзэгчид дэмжигчиддээ БАЯРЛАЛАА. 2022оны 7 дугаар сарын 15 Давга Отгончимэг" гэжээ.
