Холимог тулааны CES MMA (Classic Entertainment & Sports) холбооны “CES69” эвентийн хамгийн оргил тулаан буюу 61 кг-ын жинд манай тамирчин Баатарын Азжавхлан, АНУ-ын Ашиек Ажим нарын хооронд бямба гаригт АНУ-ын Линкольн хотын “Twin River Casino”-д болно. “Давалгаа” хочит Б.Азжавхлангийн хувьд тус холбоонд хийж буй хоёр тоглолт бөгөөд өнгөрөгч дөрөвдүгээр сарын 1-нд Коннектикутад анхны тулаанаа хийж, Жонни Лопесийг ялсан.
30 настай түүний хувьд АНУ-д UFC-гийн анхны монгол тулаанч Д.Батгэрэл, хөдөлмөрийн баатар, гавьяат тамирчин М.Уранцэцэг нарын харьяалагддаг “JacksonWink MMA” клубт бэлтгэлээ базаадаг.
