Японы далайн аялагч Кеничи Хори өнгөрсөн бямба гарагт Японы Вака-Яма муж дахь барианд орох газартаа хүрч, ганцаараа дарвуулт завиар Номхон далайг гаталсан дэлхийн хамгийн өндөр настай аялагч болжээ. Тэрбээр сэтгүүлчдэд ярилцлага өгөхдөө, "Цаг агаар, нимгэн мөс зэрэг эрс тэс нөхцөл байдалтай тулгарсан ч бүх талын дэмжлэгтэйгээр зорьсноо биелүүлж, бариандаа ирсэн маань тун азтай тохиолдол. Одоо ч гэсэн залуу халуун насандаа байгаа гэж өөрийгөө бодож байна. Аяллаа дуусгасандаа маш их баяртай байна” гэжээ.
Кеничи Хори 2022 оны гуравдугаар сарын сүүлчээр Сан Францискогоос хөдөлж, зургадугаар сарын 4-ний 2:39 цагт Японы Вака-Яма мужийн Кий усан замын төгсгөлийн цэгтээ хүрсэн байна. 83 настай тэрбээр 69 хоногт 8500 орчим километр замыг туулжээ. Урьд нь 71 настай хүн ингэж аялж байжээ.
