Цаг хугацаа хэмнэхээс гадна зардал хэмнэсэн шинэ технологийг зөвхөн цэвэр усны шугам хоолойд л ашиглана гэвэл өрөөсгөл ойлголт болох нь гарцаагүй. Тодруулбал, хуучирч илэгдэн, 60 гаруй жил болсон цэвэр усны шугам хоолойгоо сайжруулснаар болчихно гэвэл өрөөсгөл ойлголт болох нь гарцаагүй. Шинээр баригдах байшин барилгын шугам хоолойг ч хэрэгжиж буй төслийн аргаар тавих нь чухал. Мөн траншейн бусад худгийн өндөр, өргөний хэмжээг хууль дүрэм, орчин цагийн стандартад нийцүүлэн хийх ёстой гэдгийг УСУГ-ын баг хамт олон ярьсаар байгаа. Иймд орон сууцны компаниуд ч үүнийг анхааралдаа авах нь зүйтэй мэт.
Үүнээс гадна цаашид энэхүү технологийг бохирын шугамд ашиглахаар төлөвлөж байгаа аж. Учир нь, хөрсний ус маш ихээр орж ирснээс болж шугам хоолойнууд гэмтэх, эвдрэх болсон байна. Магадгүй гэмтсэн шугамыг ухаж гарган, иж бүрнээр нь солино гэвэл цаг хугацаа шаардахаас гадна асар өндөр зардал гарах юм. Харин дээрх шинэ технологиор шугамд засвар, доторлогоо хийвэл зардлаа хэмнээд зогсохгүй цаг хугацаа ч хэмнэх боломжтой ажээ.
Техник, технологийн ирэн үетэйгээ ийнхүү хөл нийлүүлэн алхаж, 60 гаруй жилийн насжилттай шугам хоолойнууддаа засвар үйлчилгээ хийж, шинэчилж, цаашдын зорилгоо тодорхойлон байгаа УСУГ-ынханд талархал илэрхийлье.
Цаашид 100 жилдээ шугам хоолойнуудад санаа зовохгүй, зэвтэй бохир ус гарч байна гэсэн гомдолгүй байх нь. Хөгшин европын шинэ технологийг Азийн монгол улс ийнхүү амжилттай хэрэгжүүлж, үр дүнг нь үзэж байна.
