Чанар стандартын асуудлыг маш их ярих болсон. Тиймээс иргэдээ цэвэр аюулгүй ундны усаар хангах асуудлыг Ус Сувгийн Удирдах газар хариуцан ажилласаар байна. Иймд шугам хоолойд анхаарч ажиллахаас өөр аргагүй юм. Стандарт, чанар шаардлага хангасан шугамаар иргэдэд ус түгээх ганц технологийг УСУГ л өнөөдөр хийж, хэрэгжүүлж яваа.
Дулааны шугам сүлжээнээс "Ус тасална шүү" гэдэг зар явуулдаг цаг ч ард хоцорсон. Шинэ техлогиор шугам засах, сайжруулахад иргэдийг усан хангамжаар таслах асуудал үүсэхгүй юм. Өөрөөр хэлбэл, цэвэр усны шугамыг таслах шаардлага гардаггүй байна. Тухайн шугам хоолойг сүвлэх зарчмаар доторлогоо хийхийн өмнө жижиг роботоор шугам хоолойг дотор хэр их зэврэлттэй, эвдрэл үүссэнийг шалгана. Хэрэв гэмтэлгүй бол зэвийг нь цэвэрлэж угаагаад дахин роботоор шалгасны дараа доторлогооны ажлаа хийдэг байна. Харин гэмтэл үүссэн газар байвал түүнийг олж тогтоон засвар хийснээр шинэ технологийн аргаар сүвлэн сайжруулдаг болохыг уг ажлыг гардан хийж байгаа УСУГ-ын баг хамт олон ярьсан юм.
Өнөөдрийн байдлаар 15 км шугам хоолойг шинэ технологиор доторлосныг Ус сувгийн удирдах газрын дарга Ц.Төрхүү онцолсон. Цаашид уг ажлаа тогтвортой явуулж, цэвэр усны шугам хоолойн аюулгүй байдлыг ханган ажиллах ёстойг УСУГ-ын хамт олон ярьсаар байгаа.
Энэхүү ажил хэрэгжсэнээр шугам хоолойд ямар нэгэн гэмтэл үүсэхгүй 100 жил болохыг Австрийн мэргэжилтнүүд хэлсэн байна. Үндсэндээ 100 жилийн баталгаатай бөгөөд нийслэлчүүдээ цэвэр аюулгүй усаар хангах боломж бүрдэнэ гэсэн үг юм аа.
