Монгол Улсын засгийн газраас гаргасан шийдвэрийн дагуу “Хүн амын нас, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг шинжилгээ, оношилгоо"-нд Дархан-Уул аймгийн хэмжээнд нийт 104.969 хүн ам харагдах юм. Үүнээс насанд хүрсэн буюу 18 дээш 4 насны бүлгийн /18-30, 31-45, 46-60, 61-ээс дээш / 67307 иргэд, 0-5, 6-17 насны 2 бүлгийн 37662 хүүхэд байна.
Дархан-Уул аймгийн хэмжээнд өнөөдрийн байдлаар нийт насанд хүрсэн /18-аас дээш нас/ 133 насанд хүрэгчид иргэд, 1099 хүүхэд /0-17нас/ үзлэг, шинжилгээ оношилгоонд хамрагдаад байна.
“Хүн амын нас, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг шинжилгээ, оношилгоо"-ны зохион байгуулалтын үйл ажиллагааны хүрээнд лавлагаа шатлалын эрүүл мэндийн байгууллагууд болох Нэгдсэн эмнэлгийн "Эрүүл мэндийн дэмжих төв", Хувийн хэвшлийн Буянтай, Цээнэ, Саран элит, Нүүдэлчин гэсэн 4 эмнэлэгт 4 насны бүлгээр /18-30, 31-45, 46-60, 61-ээс дээш / иргэдийг харин Өрхийн 5, сумын 3 эрүүл мэндийн төвд 0-5, 6-17 гэсэн 2 насны багцаар үзлэг оношилгоонд хамруулж байна.
