Чуулганы нэгдсэн хуралдаан үргэлжилж байна. Хуралдаанаар Зөрчлийн тухай хуулийн шинэчилсэн найруулагын төслийг хэлэлцэж байна.
Хэлэлцэж буй асуудалтай холбогдуулан Хууль зүй, дотоод хэргийн сайд Х.Нямбаатар гишүүдийн асуултад хариулахдаа "Жилд ойролцоогоор цахим мөрийтэй тоглоомд 100 орчим тэрбум төгрөгийг гадагшаа алдаж байна. Манай яамнаас Цагдаагийн Кибер албанд хандаж, гадна талаас хандалт хийлгэдэг сайтуудын нэвтрэлтийг Монгол талаас хаалгасан байгаа. Хаалгасан ч иргэд хандсаар байна. Мөрийтэй тоглоомын "Агент" гээд тусдаа албан тушаал гарч ирсэн. Тэдний монгол данс руу мөнгө хийхээр цахим мөрийтэй тоглоомын данс нь цэнэглэгддэг. Сүүлдээ агентууд криптовалютаар хүртэл тооцоо хийдэг болсон. Дэлхийн нийтээр хил хязгааргүй орчинд мөрийтэй тоглоомтой тэмцэж байна" хэмээв.
