Лондонгийн амьтан судлалын нийгэмлэг /ZSL/-ийн Монгол дахь Төлөөлөгчийн газраас Цагдаагийн ерөнхий газрын Экологийн цагдаагийн албатай хамтран хэрэгжүүлж буй “Экологийн цагдаагийн алба дэлхийн жишгээр ажиллаж нутгийн иргэдтэй түншлэх нь” төслийн хүрээнд хүрээлэн буй орчны эсрэг гэмт хэрэг, зөрчилтэй тэмцэхэд нохойг ашиглах ажлын эхлэлийг тавиад байна. Энэ хүрээнд ЦЕГ-ын нохой сургалтын албыг чадавхижуулж, шаардлагатай машин, тоног төхөөрөмжөөр хангаснаас гадна, ИБУИНХУ-аас мэргэжлийн нохой сургагч нарыг Монголд урьж, сургалт хийх гэж буй юм. Энэ ажлын хүрээнд саяхан БОАЖЯ-тай хамтран Богдхан уулын ДЦГХЗ, Горхи, тэрэлжийн БЦГХЗ, Хустайн нурууны БЦГХЗ-ны нутагт нохойтой эргүүл ажиллуулжээ.
