Үндэсний батлан хамгаалах их сургуулийн харьяа "Тэмүүжин Өрлөг" дунд сургуулийн есдүгээр ангийн сурагч Д.Хүчитбаатар автобусанд гарсан галыг унтрааж, жолооч эмэгтэйд туслан зорчигчдыг гаргажээ. Уг автобус хоёрдугаар сарын 15-нд Гачуурт чиглэлд зорчигч тээвэрлэж байсан байна.
Сургуулийн захиргаанаас "Монгол цэргийн сүр хүч, эх оронч үзэл төлөвшлийн тод илэрхийлэл, ирээдүйн офицеруудын залгамж халааг нийгэмд бэлтгэдэг Нийслэлийн Тэргүүний ЕБ-ын "Тэмүүжин Өрлөг" сургуулийн Г.Үүрцайх багштай 9а ангийн сурагч Д.Хүчитбаатарт сургуулийнхаа нийт сурагч, ажилтан албан хаагчдынхаа өмнөөс баяр хүргэж талархал илэрхийлье" гэжээ.
