Засгийн газар өнөөдөр ээлжит бусаар хуралдахаар болжээ. Хуралдаанаар цар тахлын үед гаргасан түр болон урт хугацааны хорио цээр, зарим зохицуулалтын талаар хэлэлцэхээр төлөвлөсөн байна. Ерөнхий сайд Л.Оюун-Эрдэнэ 13.00 цагт мэдээлэл хийхээр товложээ. Эх сурвалжуудын мэдээлж буйгаар гүйцэтгэх засаглалын тэргүүн Монгол Улс хилийн боомтуудаас бусад бүх зүйлээ нээж байгаагаа зарлах сурагтай. Өөрөөр хэлбэл, цар тахлаас шатлгаалж гурван жил шахам хаалттай байсан Монгол орон дэлхийн бусад улс орон, тэр дундаа жуулчдад нээлттэй болж буйгаа үүгээр зарлаж байгаа ажээ. Асар их алдагдал хүлээж, бүрэн зогссон аялал жуулчлалын салбарт Засгийн газрын энэхүү шийдвэр чухал нөлөө үзүүлнэ гэж эрх баригчид тооцжээ. Үүнээс гадна өөр хэд хэдэн чухал шийдвэрийн талаар Ерөнхий сайд Л.Оюун-Эрдэнэ дэлгэрэнгүй мэдээлэл өгөх юм байна.
