Иргэд, хэрэглэгчдийн буруу дадлаас үүдэн Төв цэвэрлэх байгууламжид хоногт дунджаар 3 тонн хатуу хог хаягдал ирж, тоног төхөөрөмжийн эвдрэл, гэмтэл үүсгэх гол эрсдэл болж байна гэсэн мэдээллийг УСУГ-аас өглөө. Бохир усан дахь бохирдлын хэмжээ асар өндөр болсон бөгөөд дээр нь хатуу хог хаягдал ихэссэн гэж УСУГ мэргэжилтэн санууллаа. Үүнээс шалтгаалан тоног төхөөрөмжүүд эвдэрч, үйл ажиллагаа доголдох эрсдэл үүсч байна.
Энэ бол хүмүүсийн дадалтай холбоотой асуудал учраас хүн болгонтой тулж харьцах боломжгүй. Хүмүүс төрөл бүрийн хоолны үлдэгдэл, химийн бодистой угаалгын нунтгаа усны хоолой руу хийж байна. Жишээлбэл, хоолны үлдэгдэл нь органик бохирдлыг бий болгож ялзрал үүсгэдэг. Мөн хатуу хог хаягдал нь шугамын хоолойг бөглөх зэрэг асуудал үүсгэсээр байна. Тиймээс дараах зүйлсийг шугаманп хийхийг хатуу хориглохыг УСУГ-аас зөвлөлөө.
- Усанд уусдаггүй цаас: Нойтон салфетка,ариун цэврийн зузаан цаас.
- Ахуйн хатуу хог: Хуванцар, үс, ариун цэврийн хэрэглэл, бэлгэвч, хөвөн.
- Гал тогооны хаягдал: Хоолны үлдэгдэл, амьтны яс, жимсний хальс.
- Тос тослогоо: Хайруулын тавагны тос, өөх тосыг шууд цутгах (энэ нь шугам хоолойг таглаж, хатуу блок үүсгэдэг
