Монгол түмний гал голомт, төрт ёсны эрхэм шүтээн болсон Төрийн тахилгат Бурхан Халдун хайрхны тэнгэрийг тайх ёслол уламжлалын дагуу өргөн дэлгэр болж өндөрлөлөө. Ёслолд Монгол Улсын Ерөнхийлөгч Ухнаагийн Хүрэлсүх оролцлоо. Мөн үеэр Монгол төрийн эрхэм бэлгэдэл болсон Төрийн хар сүлдийг анх удаа Бурхан Халдун хайрханд цэнгүүлэх ёслол үйлдлээ. Энэхүү ёслол нь Монголын төрт ёсны уламжлал, үндэсний өв соёлыг хүндэтгэн дээдэлсэн онцгой ач холбогдолтой үйл явдал болж, төрийн сүр хүч, гал голомтын бэлгэдлийг Бурхан Халдун хайрхны тэнгэр, савдагт өргөн даатгалаа.
