Хотын шинэ даргаар Б.Пүрэвдагва гэх залууг томилох тухай бор шувуу нисч, МАН-ын СДМЗХ-ны ерөнхийлөгчөөр ажиллаж буй түүнийг хэн болох тухай сэдэв олны сонирхлыг татаж байна. Тэгвэл хотын даргад нэр дэвшиж байгаа Б.Пүрэвдагва нь СГЗ, хүүхдийн зохиолч О.Бяруузана гуайн хүү бөгөөд ээж Л.Амаржаргал агсан нь Монголын шинэ үеийн утга зохиолыг үндэслэгч билгүүн авьяастан С.Буяннэмэхийн зээ ажээ. Түүнийг Хүүкийн хүргэн гэснн яриа гарсан. Үнэхээр тэрээр олон жилийн өмнө ерөнхийлөгчийн том охинтой үерхэж хамтран амьдарч дундаасаа хүүтэй болсон бөгөөд хожим зам салж, одоо хоёулаа өөр гэр бүл зохиосон юм байна. Тэрээр 1990 онд төрсөн, нийслэлийн 45 дугаар сургуулийг төгсч МУИС-ийг Улс төр судлал /БАКАЛАВР, Австралийн Нью-Кэслийн их сургуулийг Тогтвортой хөгжлийн судалгаа сэдвээр МАГИСТРын знрэг хамгаалжээ.
МАН-ын Удирдах зөвлөлийн улстөрийн ажилтнаар 2009 оноос хойш ажиллаж байгаа Б.Пүрэвдагва 2009-2011 онд нийслэлийн Баянгол дүүргийн Нийгмийн Ардчилал Монголын Оюутны Холбоо /НАМОХ/-ны дарга
-2009-2011 онд Монгол Ардын Намын Удирдах Зөвлөлийн Ажлын албаны Намын байгуулалтын газрын Улс төрийн ажилтан
-2011-2012 онд Монгол Ардын Намын Ерөнхий нарийн бичгийн даргын шадар туслах
-2013-2015 онд Нийгмийн Ардчилал Монголын Оюутны Холбооны Удирдах зөвлөлийн гишүүн
-2016-2017 Монгол Ардын Намын Ерөнхий нарийн бичгийн даргын орон тооны зөвлөх зэрэг албан тушаалыг хашиж, 2017 оноос Монгол Ардын Намын Удирдах Зөвлөлийн Ажлын албаны Орон нутаг, намын хөгжлийн хэлтсийн даргаар ажилласан. Одоо МАН- ын залуучуудын байгууллага болох СДМЗХ- ны ерөнхийлөгчөөр ажиллаж байна.
