Японы Ичикaва хотын амьтны хүрээлэнд төрсөн Панч нэртэй нярай сармагчин эхдээ гологдож, улмаар бусад сармагчингуудад ч дээрэлхүүлж, амьтны хүрээлэнгийн ажилтнуудын өгсөн чихмэл тоглоомоор хань хийж байгаа бичлэг өнгөрсөн долоо хоногт цахим ертөнцөөр тарсан.
Тэгвэл хөөрхийлөлтэй сармагчин шинэ ээжтэй болжээ. Түүнд өөр нэгэн калон сармагчин хамгаалалт, халамж үзүүлж эхэлсэн байна. Мөн омгийн бусад сармагчнуудтай аажмаар эвтэй харилцаатай болж тэдний дунд хамгаалалтай харилцаа бий болж байна гэж амьтны хүрээлэнгийн ажилтнууд дүгнэж байна.
Энэ бүхний дараа сармагчингууд яагаад зулзагаа хаядаг вэ гэсэн асуулт үлдэж байна. Австралийн Үндэсний Их Сургуулийн Приматологийн мэргэжилтэн Алисон Бехи хэлэхдээ, амьтад зулзагаа ийнхүү орхих нь ховор боловч тодорхой нөхцөлд тохиолдож болдог аж. Ээжийн "нас, эрүүл мэнд, туршлагагүй байдал" зэрэг хүчин зүйлүүдээс шалтгаалж ийм тохиодлууд гардаг байна. дурджээ. "Панчийн хувьд түүний ээж анх удаа ээж болсон туршлагагүй нэгэн байсан бөгөөд амьтны хүрээлэнгийн ажилтнууд хэт халууны үед төрсөн нь гологдоход нөлөөлсөн гэж үзэж байна. Ээж сармагчин стресс өндөртэй байсан нөлөөлсөн байх магадлалтай.
Гадны стрессээс болж эх сармагчин хүрээлэн буй орчны нөхцлөөс болж эрүүл мэнд нь хохирч болзошгүй нялх зулзагаа үргэлжлүүлэн асрахаас илүүтэйгээр өөрсдийн эрүүл мэнд, ирээдүйн нөхөн үржихүйг чухалчилсан байх талтай гэж мэргэжилтнүүд дүгнэж байна.
