Германы Хамбург хотын Wandsbek-Markt метроны буудалд 01 дүгээр сарын 30-нд аймшигт хэрэг гарч, 18 настай эмэгтэй болон 25 настай эрэгтэй галт тэрэгт дайруулан амиа алджээ.
Тодруулбал, 25 настай эрэгтэй платформ дээр зогсож байсан 18 настай эмэгтэйг гэнэт тэврэн авч, ирж байсан метроны төмөр зам руу хүчээр түлхсэн байна. Үүний дараа тухайн этгээд өөрөө мөн төмөр зам руу орсон бөгөөд ирж байсан галт тэрэг хоёр хүнийг мөргөж, газар дээрээ нас барсан байна. Галт тэрэг ирэх хүртэл залуу охиныг саатуулж хамтдаа дайруулсан байна.
Цагдаагийн байгууллагаас мэдээлснээр, хохирогч болон хэрэг үйлдсэн этгээд бие биенээ таньдаггүй, санамсаргүй зорчигчид байсан аж. Гэрчүүдийн ярьснаар хэрэг үйлдсэн этгээд галт тэрэгний зам руу татаж байхдаа “I’ll take you with me” (“Би чамтай хамт явна”) гэж орилжээ.
Хэрэг явдал олон хүний нүдэн дээр болсон тул гэрчүүдэд сэтгэл зүйн тусламж үзүүлсэн байна.
Эх сурвалжуудын мэдээлснээр хохирогч 18 настай, Ираны иргэн байсан бол гэмт этгээд нь 25 настай, Суданы иргэн байжээ. Тэрээр Герман руу дүрвэж орж ирсэн, өмнө нь цагдаад бүртгэлтэй, хүч хэрэглэсэн үйлдэл гаргаж байсан нэгэн байв.
Одоогоор мөрдөн шалгах ажиллагаа үргэлжилж байгаа ба энэ хийсэн үйлдлийнх нь шалтгаан, сэдэл тодорхойгүй байгаа юм.
Хэрэг гарсны улмаас метроны U1 шугамын хөдөлгөөнийг түр зогсоож, дараа нь сэргээжээ. Гэмт хэрэг гарсан хэсэг болох оршин метро буудлын ойролцоо лаa, цэцэг өргөж, хохирогчийг дурсчээ.
Энэ хэрэг Германд олон нийтийг цочроож, нийтийн тээврийн аюулгүй байдал, сэтгэцийн эрүүл мэндийн хяналт, мөн дүрвэгчдийн бодлогын асуудал дахин анхаарал татахад хүргэж байна.
