Шүдний эмчилгээнд тэсрэлт болох шинэ эмчилгээ буюу шүд ургуулах эмчилгээг бодит болгохоор эрдэмтэд ажиллаж эхэлсэн талаар бид өмнө нь мэдээлж байсан. Тэгвэл имплант зэрэг төвөгтэй эмчилгээг халах шинэ шүд ургуулах эмчилгээ клиникийн шат руу ойртжээ.
Японы эрдэмтэд USAG‑1 генийн үйл ажиллагааг хаадаг эм хөгжүүлж, энэ нь шинэ шүд ургуулж чаддаг болгох боломжтой гэж үзэж байна. Эхлээд амьтдад амжилттай туршсан бол одоо хүн дээр клиникийн туршилтууд явуулж эхэлжээ. Ингээд эрдэмтэд 2030 оноос хүмүүст шинэ шүд ургуулж эхэлнэ гэж төлөвлөн ажиллаж байна.
Мөн Лондонгийн Их Сургууль болон бусад судалгааны багууд яг өөрийн буйлан дээр шүд ургуулахгүй ч лабораторид шүд бүтээж түүнийгээ эрүүнд суулгах төсөл дэнр ажиллаж байна. Тодруулбал, 3D‑матриц орчинд шүдний эсүүдийг холбоод “lab‑grown” буюу лабораторид ургуулсан шүдний эд бүтээх туршилтууд хийж байна. Энэ нь ирээдүйд шүдийг амьд эд шиг ургуулан, эрүүнд суулгах боломжийг нээж болзошгүй гэж судлаачид үзэж байна.
Ямартай ч энэ мэтээр шүдний эмчилгээнд тэсрэлт болох судалгаа шинжилгээнүүдийг эрдэмтэд явуулсар байна.
