Венесуэлийн сөрөг хүчний удирдагч Мария Корина Мачадо пүрэв гарагт Цагаан ордонд Ерөнхийлөгч Дональд Трамптай биечлэн уулзах үеэрээ 2025 онд өөрийн хүртсэн Нобелийн энхтайвны шагналаа ноён Трампад гардуулсан гэж мэдэгдлээ.
Мачадо уулзалтын дараа сэтгүүлчдэд яриа өгөхдөө “Би АНУ-ын Ерөнхийлөгчид Нобелийн энх тайвны шагналын одон гардуулсан. Трампыг бидний эрх чөлөөний төлөө онцгой үүрэг гүйцэтгэснийг нь үнэлсний үүднээс" нэр хүндтэй шагналыг өгсөн гэжээ.
АНУ-ын Ерөнхийлөгч үүнийг хүлээж авсан эсэхийг сэтгүүлчид тодруулахад Мачадо хариу хэлээгүй байна.
Доналд Трамп Нобелийн энхтайвны шагнал хүртэх хүсэлтэйгээ байнга илэрхийлдэг бөгөөд өнгөрсөн жил Мачадод шагнал гардуулахад дургүйцлээ илт илэрхийлж байсан юм.
Харин Мачадо өнгөрсөн долоо хоногт шагналаа Ерөнхийлөгч Трамптай хуваалцах хүсэлтэй байгаагаа анх мэдэгдсэн ба Нобелийн шагналын хороо шагналыг шилжүүлэх боломжгүй гэж хариу мэдэгдсэн билээ.
Норвегийн Нобелийн хүрээлэнгээс "Нобелийн шагналыг нэгэнт зарласан бол түүнийг хүчингүй болгох, хуваалцах, бусдад шилжүүлэх боломжгүй. Шийдвэр нь эцсийн бөгөөд бүх цаг үед хүчинтэй" гэв.
