Иранд хоёр долоо хоног үргэлжилсэн засгийн газрын эсрэг жагсаалын үеэр хамгийн багадаа 100-106 жагсагч амиа алдаж, 2600 гаруй хүн баривчлагдсан гэж АНУ-д төвтэй хүний эрхийн байгууллагаас мэдээлэв. Жагсаал Ираны бүх мужуудын 180 гаруй хотод жагсаал өрнөж буй бөгөөд Иран даяар эмх замбараагүй байдал үүсч болзошгүй байна.Жагсаал анх өнгөрөгч 12 дугаар сарын 28-нд эхэлсэн бөгөөд эхэндээ эдийн засаг хүндэрч, Ираны мөнгөний үнэ бухимдсан хүмүүс жагссан юм. Эхлээд худалдаачид, жижиг бизнес эрхлэгчид жагсаж байсан бол дараа нь оюутнууд, ажилчид, жирийн иргэд жагсаалл нэгджээ. Засгийн газар эсэргүүцлийг дарахаар интернэт, холбооны сүлжээг бүрэн хаасан ба энэ нь мэдээлэл дамжихыг хязгаарлаж байгаа ч, олон газар жагсаал үргэлжилж байаа гэсэн мэдээ байна. Тегеран хотын нэгэн оршин суугч CNN-д хэлэхдээ, эсэргүүцлийн хөдөлгөөнийг албаныан дарж чадаагүй байна гэжээ.
Ираны Засгийн газар эсэргүүцэгчдийг “Бурханы дайсан” гэж нэрлэж, үхлийн ял шийтгэл хүлээх аюултай гэж мэдэгдсэн нь нөхцөл байдлыг улам хурцатгасан байна.
Эхэндээ зөвхөн эдийн засгийн шалтгаантай байсан жагсаал нь сүүлдээ улсын удирдлагын тогтолцооны өөрчлөлт, засгийн газрыг солих гэх далайцтай шаардлагад шилжжээ. Мөн зарим хотод заналхийлэгч удирдагчийг огцрохыг шаардсан уриа лоозонг барьж байна.
АНУ-ын Ерөнхийлөгч Дональд Трамп АНУ Ираны ард түмэнд туслахад бэлэн байна гэж мэдэгдсэн бөгөөд энэ тусламж ямар байж болохыг тодорхой хэлэлгүйгээр Ираны дэглэмийг эсэргүүцэж буй хүмүүстэй эв санааны нэгдэлтэй байгаагаа илэрхийллээ. Өмнө нь тэрээр аюулгүй байдлын хүчнийхэн эсэргүүцлийн жагсаалд хүчтэй хариу үйлдэл үзүүлбэл Иран руу дайрна гэж сүрдүүлсэн бөгөөд АНУ-ын Төрийн нарийн бичгийн дарга Марко Рубио АНУ тус улсын ард түмнийг дэмждэг гэж мэдэгдсэн юм
