2026 оны улирлын фэйшн шоунуудын тод сэдэв нь максималист байна гэж загварынхан дүгнэж байна - Нүсэр хийцтэй даашинз, банзал, тансаг даавуу, овортой аксесуаруд гээд л ...
Saint Laurent-ийн загвар өмсөгчид толгойноосоо хөл хүртэл хар савхин хувцас өмссөн бол Миссонигийн загвар өмсөгчдөд шеврон хэвлэмэл загвар өмсөж, хүзүүний том зүүлт зүүсэн байв. Баленсиага, Шанель брэнд гайхалтай өнгө, бүтэцтэй, хэний ч анхаарлыг татахуйц өдөн чимэглэл дээр анхаарлаа төвлөрүүлжээ.
Fringe буюу цацаг
Сугсалзсан цацагтай цүнх, цацаг энэ онд онцгой сонголт хэвээр байх нь. Астралийн нэрийн хуудас болсон Aje-ийн загварын тайз нь гоёмсог цацагтай захыг санал болгосон бол Balmain-ийн загвар өмсөгчид том илгэн цацагтай цүнхнүүдээр тайзаа чимсэн юм.
Элли Сааб болон Louis Vuitton брэнд неон хүрээтэй, гөлгөр сугсалзсан даашинз, өмдтэй
загвар өмсөгчдөөр загварын тайзаа чимэв.
Моданаас хэзээ ч гардаггүй Trench цув
Трэнч цув хувцасны шүүгээнд зайлшгүй байх ёстой гэдэг дээр та санал нийлэх байх.
Энэ жил загварын чиг хандлагаас харахад голдуу цайвар шаргал өнгөтэй цув трэнд байх нь. Селин цайвар шаргал өнгөтэй ч тод өнгийн дотортой загвар гаргасан бол Sain Laurent өвөрмөц материалтай цувыг 2026 оны цуглуулгадаа багтаасан байв.
Ellie Saab бүсэн дээр анхаарлаа хандуулсан бол Givenchy-ийн загварууд тод хар өнгө, товч, гархиар цуваа чимжээ.
1980-аад он руу марш
Стелла Маккартни, Боттега Венета нар 1980-аад оны загварлаг хувцаслалтын чиг хандлагыг санагдуулам эмэгтэйчүүдийн сонгодог костюмыг шинээр зохион бүтээжээ.
Албаны, дүрэмт дүр төрхийг хөгжилтэй , сонирхолтой болгох өнгө аяс энэ онд илүү тодорно. 
Өнгөрсөн оны "найз"
2025 онд загварт хүчтэй байсан шоколадан бор өнгө энэ онд ч хүчтэй хэвээр байна гэж салбарынхан нь үзэж байна. Мөн амьтны принт, ballet sneaker, доор суудалтай өргөн өмд, хажуудаа канттай атлетик өмднүүд энэ оны трэндэд багтсаар байх нь ээ.
