УИХ-аас байгуулсан Оюу толгойн Хянан шалгах түр хороо отгон хуралдаанаа хийлээ. Уг хуралдаанаар;
"Баяжмалын агууламжийг уурхайн амнаас шууд авч лабораторид шинжлэх, Монгол Улсын Үндсэн хууль болон бусад хуульд нийцүүлэн үр өгөөжийн дийлэнх хувийг ард түмэнд байхаар төрийн өмчийн хувь хэмжээг тогтоох,
Үр өгөөжийг 5 жил байсныг 3 жил тутам харилцан хянаж үзэх
Оюу толгой компани экспортын борлуулалтын орлогыг Монголын Улсын төв банк болон арилжааны банкаар бүрэн дамжуулж авдаг байх,
Тусгай шалгалт сонсголын мөрөөр ил болсон Монгол Улсад хор хохирол учруулсан байж болзошгүй эс үйлдэхүй болон гэмт хэргийн хэв шинжтэй асуудлуудын мөрөөр АТГ, ТЕГ, ЦЕГ-ын удирдлагууд хяналт тавьж ажиллахыг зөвлөх" гэсэн саналуудыг Хянан шалгах түр хорооны гишүүд дэмжлээ.
