Холливудын нэрт найруулагч Роб Рейнер болон түүний эхнэр Мишель Сингер Райнер нар арванхоёрдугаар сарын 14-ний ням гарагт Лос-Анжелес дахь гэртээ нас барсан байдалтайгаар олджээ.Тэд хутгалуулсан байдалтай олдсон, дуудлагыг хамаатных нь хүн анх өгсөн гэх мэдээлэл байна. Тухайн өдрийн 15:30 цагийн орчимд найруулагчийн гэрээс эмнэлгийн тусламж дуудсан бөгөөд тусламж очиход тэд нэгэнт нас барсан байжээ. Одоогоор хэргийг шалгаж байгаа учир сэжигтний тухай тодорхой мэдээллүүдийг албаны эх сурвалжаас өгөөгүй байна. Харин албан бус эх сурвалжууд тэднийг өөрсдийн хүү Ник Райнерт алуулсан гэж мэдээлж байгаа юм. Ник Райнер нь хар тамхинд донтох өвчинтэй удаан тэмцэж буй нэгэн бөгөөд орон гэргүй болсон тухайгаа олон нийтэд дэлгэж байсан билээ. Ямартай ч Ник Райнераас цагдаагийн байгууллага мэдүүлэг авсан байна.
Найруулагч Роб Райнер "When Harry Met Sally", "Misery", "Stand By Me", "The Princess Bride" , "This is Spinal Tap" зэрэг олон киногоороо алдартай билээ. Найруулагч Роб 78, эхнэр нь 68 настай байжээ.
