Өвөрмонголын уран бүтээлчид “Тэмээчин Алтан-Уулын тэмээн жингийн аяны тэмдэглэл” богино хэмжээний долоон ангит баримтат кино бүтээжээ. Монгол Улсын Өмнөговь аймагтай хил залгаа ӨМӨЗО-ы Баяннуур аймгийн тэмээчин Алтан-Уулын өдөр тутмын амьдралыг харуулсан энэхүү олон ангит баримтат киногоор их говийн тэмээчин нүүдэлчид өв соёлоо хэрхэн хадгалж, ёс заншлаа өвлөн уламжилж байгааг харуулжээ.
