Монгол, Хятад Улсын соёлын солилцооны өдрүүдийн хүрээнд "Дуран хараан дахь дундад орон" кино телевизийн бүтээл солилцох арга хэмжээ өнөөдөр боллоо. Мөн энэ үеэр "Аз жаргалын хотхон 5" олон ангит киноны нээлтийн үйл ажиллагааг амжилттай зохион байгуулав.
Дээрх үйл ажиллагаа нь хоёр орны ар иргэдийн ойлголцол эв найрамдалыг гүнзгийрүүлэх зорилготой бөгөөд БНХАУ-ын шилдэг 17 баримтат киног Монгол орчуулгатайгаар UBS телевизээр үзэгчдийн хүртээл болгох юм байна.
Харин "Аз жаргалын хотхон" цуврал кино нь монгол үзэгчдэд аль хэдийнээ танил болсон уран бүтээл бөгөөд амьдралд ойр үйл явдал, бодит дүрүүдээрээ олны таашаалд нийцсэн цуврал кино юм. Энэхүү киноны тавдугаар бүлгийг Монгол хэлнээ хөрвүүлэн Боловсрол телевиз, UBS телевизээр үзэгчдийн хүртээл болгох юм.
